என்று அழியும் இந்த ஊழலின் மோகம் !!

தனியொரு மனிதனுக்கு உணவில்லையெனில்

ஜெகத்தினை அழித்திடு என்றான்

பாட்டன் எங்கள் பாரதி

தனியொரு மனிதனாய் உண்ணாமல்

ஊழலை அழிக்க இதோ !

தாத்தா நீ ஹசாரே 

எதிரியிடமிருந்து நாட்டை காக்க

அன்றணிந்தாய் இராணுவ உடை

ஊழலிலிருந்து நாட்டை மீட்க

இன்றணிகிறாய் வெள்ளை ஆடை

நல்ல வேளை ! ஆம் ராணுவ உடைகளை

குண்டுகள் எளிதில் துளைக்கின்றனவாம்

ஒரு வங்கியில் கூட உனக்கு கணக்கிலை

ஊழலுக்கு சுவிஸ் வங்கிகளில் இடம் போதவில்லை

விவேகானந்தரால் விழித்தவன் நீ !

உன்னால் உணர்ந்தோம் நாங்கள் !!

உன் பசித்த உடலுக்கு

சட்டத்தால் சாதம் ஊட்டும் வரை

எட்டு திக்கும் குரல் கொடுப்போம்

ஏறுகொண்டு ஊழலை ஒழிப்போம்